Leabharlann agus an Páirc spraoi
Thugamar cuairt ar an leabharlann agus ar an bpáirc spraoi roimh na Cásca.
Ramadan
Seo ealaín de Mosque a rinne Rang a Dó mar chuid den illchreidmheas. Bhíomar ag foghlaim go leor faoi Ramadan agus faoin gcreideamh Ioslamach. Dfhoghlaim na páistí faoi na chúig philéar de Ioslam.
Don suíomh scoile
Rinne muid an-cheiliúradh ar sheachtain na Gaeilge agus ar Lá Pádraig sa seomra ranga.
Bhí cúpla lá iontach again ar scoil !! 
Seo rang a dó ag bácáil ar Mháirt na hInide. D’fhoghlaim muid faoi Mardi Gras chomh maith.
Seó Nollag
Bhí muid ag léamh le gairid faoi leabhar dárbh ainm “Golden Wings”. Beidh an leabhar á láinseáil sa scoil i gceann cúpla seachtain. Theastaigh uainn ealaín a dhéanamh don scréachóg reilige (barn owl). Thaithin an ealaín seo go mór leis an rang.
Seo cuid eile den ealaín atá déanta againn. Ag tús na bliana theastaigh uainn labhairt faoi spriocanna atá againn don bhliain. Bheartaigh muid na daoine thuas a chuir le chéile agus na spriocanna don bhliain a chuir isteach i lár na ndaoine.
Bhí Rang a Dó ag foghlaim faoin ealaíontóir “Kandinsky”. Sheas na ciorcail amach dúinn agus theastaigh uainn é a nascadh isteach le crainte mar gheall ar an bhFómhar.
D’fhoghlaim Rang a Dó faoi ealaíontóir eile darbh ainm Frida Kahlo. Bhí Frida Kahlo tinn san ospidéal go minic agus bhí fadhbanna aici lena meabharshláinte. D’úsáid sí ealaín chun cúnamh a thabhairt dá h-intinn. Bhí mé an-sásta go raibh na páistí an-sásta páirt a ghlacadh san ealaín dhifriúil seo.
Ag tús na bliana, bhí na páistí ag foghlaim faoi thorthaí an Fhómhair. Bhí go leor cainte á dhéanamh faoi sméara dubha. Bhí na páistí ag piocadh go leor sméara dubha agus bheartaigh muid na sméara dubha seo a úsáid chun subh sméara dubha a dhéanamh. Rinne gach bord crúsca. Thug duine dena páistí bonnóga isteach agus thaithin an subh go mór linn!!
D’fhoghlaim na páistí dán deas faoi sméara:
Sméara dubha,
In aice an tí,
Cinn áille aibí
Ag fás ar an gcraobh.
Piocfaidh mé iad,
Mór agus dubh,
Beidh áthas ar mhamaí,
Is déanfaidh sí subh.
Ranganna iontacha faoi chódáil le Martha
